איוב פרק ט': תגובת איוב – פירוש

א                  וַיַּעַן אִיּוֹב, וַיֹּאמַר.

ב  אָמְנָם, יָדַעְתִּי כִי-כֵן;    וּמַה-יִּצְדַּק אֱנוֹשׁ עִם-אֵל.

ג  אִם-יַחְפֹּץ, לָרִיב עִמּוֹ–    לֹא-יַעֲנֶנּוּ, אַחַת מִנִּי-אָלֶף.

ד  חֲכַם לֵבָב, וְאַמִּיץ כֹּחַ–    מִי-הִקְשָׁה אֵלָיו, וַיִּשְׁלָם.

ה  הַמַּעְתִּיק הָרִים, וְלֹא יָדָעוּ–    אֲשֶׁר הֲפָכָם בְּאַפּוֹ.

ו  הַמַּרְגִּיז אֶרֶץ, מִמְּקוֹמָהּ;    וְעַמּוּדֶיהָ, יִתְפַּלָּצוּן.

ז  הָאֹמֵר לַחֶרֶס, וְלֹא יִזְרָח;    וּבְעַד כּוֹכָבִים יַחְתֹּם. – מתאר את גדולת ה' ברור שהאדם לא יכול לתפוס את זה. הוא יודע את כל מה שהם טוענים על ה'.

ח  נֹטֶה שָׁמַיִם לְבַדּוֹ;    וְדוֹרֵךְ, עַל-בָּמֳתֵי יָם.

ט  עֹשֶׂה-עָשׁ, כְּסִיל וְכִימָה;    וְחַדְרֵי תֵמָן.

י  עֹשֶׂה גְדֹלוֹת, עַד-אֵין חֵקֶר;    וְנִפְלָאוֹת, עַד-אֵין מִסְפָּר.

יא  הֵן יַעֲבֹר עָלַי, וְלֹא אֶרְאֶה;    וְיַחֲלֹף, וְלֹא-אָבִין לוֹ.

יב  הֵן יַחְתֹּף, מִי יְשִׁיבֶנּוּ;    מִי-יֹאמַר אֵלָיו, מַה-תַּעֲשֶׂה.

יג  אֱלוֹהַּ, לֹא-יָשִׁיב אַפּוֹ;    תַּחְתָּו שָׁחֲחוּ, עֹזְרֵי רָהַב.

יד  אַף, כִּי-אָנֹכִי אֶעֱנֶנּוּ;    אֶבְחֲרָה דְבָרַי עִמּוֹ.

טו  אֲשֶׁר אִם-צָדַקְתִּי, לֹא אֶעֱנֶה;    לִמְשֹׁפְטִי, אֶתְחַנָּן.

טז  אִם-קָרָאתִי וַיַּעֲנֵנִי–    לֹא-אַאֲמִין, כִּי-יַאֲזִין קוֹלִי. – איוב לא מאמין שהוא מקשיב לו, הוא קורא לה' והוא לא מאזין לו.

יז  אֲשֶׁר-בִּשְׂעָרָה יְשׁוּפֵנִי;    וְהִרְבָּה פְצָעַי חִנָּם. – איוב אומר שה' מרבה את פצעיו בלי סיבה.

יח  לֹא-יִתְּנֵנִי, הָשֵׁב רוּחִי:    כִּי יַשְׂבִּעַנִי, מַמְּרֹרִים.

יט  אִם-לְכֹחַ אַמִּיץ הִנֵּה;    וְאִם-לְמִשְׁפָּט, מִי יוֹעִידֵנִי. – רוצה להיות במשפט עם ה' שיאמר לו מה הוא עשה לא טוב.

כ  אִם-אֶצְדָּק, פִּי יַרְשִׁיעֵנִי;    תָּם-אָנִי, וַיַּעְקְשֵׁנִי.

כא  תָּם-אָנִי, לֹא-אֵדַע נַפְשִׁי;    אֶמְאַס חַיָּי. – חוזר על כך שהוא תם ותם.

כב  אַחַת, הִיא:    עַל-כֵּן אָמַרְתִּי–תָּם וְרָשָׁע, הוּא מְכַלֶּה. – "מכלה" תמצית הרעיון של איוב בספר הזה ; אין תורת גמול הכל סטטיסטיקה.

כג  אִם-שׁוֹט, יָמִית פִּתְאֹם–    לְמַסַּת נְקִיִּם יִלְעָג.

כד  אֶרֶץ, נִתְּנָה בְיַד-רָשָׁע–    פְּנֵי-שֹׁפְטֶיהָ יְכַסֶּה; – הוא לא אומר שה' רשע, אך השליטה בארץ ניתנה ביד רשע.

אִם-לֹא אֵפוֹא    מִי-הוּא.

כה  וְיָמַי קַלּוּ, מִנִּי-רָץ;    בָּרְחוּ, לֹא-רָאוּ טוֹבָה.

כו  חָלְפוּ, עִם-אֳנִיּוֹת אֵבֶה;    כְּנֶשֶׁר, יָטוּשׂ עֲלֵי-אֹכֶל.

כז  אִם-אָמְרִי, אֶשְׁכְּחָה שִׂיחִי;    אֶעֶזְבָה פָנַי וְאַבְלִיגָה.

כח  יָגֹרְתִּי כָל-עַצְּבֹתָי;    יָדַעְתִּי, כִּי-לֹא תְנַקֵּנִי.

כט  אָנֹכִי אֶרְשָׁע;    לָמָּה-זֶּה, הֶבֶל אִיגָע.

ל  אִם-הִתְרָחַצְתִּי במו- (בְמֵי-) שָׁלֶג;    וַהֲזִכּוֹתִי, בְּבֹר כַּפָּי.

לא  אָז, בַּשַּׁחַת תִּטְבְּלֵנִי;    וְתִעֲבוּנִי, שַׂלְמוֹתָי.

לב  כִּי-לֹא-אִישׁ כָּמוֹנִי אֶעֱנֶנּוּ;    נָבוֹא יַחְדָּו, בַּמִּשְׁפָּט. – הוא ממש מבקש מה' "בוא נבוא למשפט תסביר לי איפה אני לא בסדר" – קריאה למשפט.

לג  לֹא יֵשׁ-בֵּינֵינוּ מוֹכִיחַ–    יָשֵׁת יָדוֹ עַל-שְׁנֵינוּ.

לד  יָסֵר מֵעָלַי שִׁבְטוֹ;    וְאֵמָתוֹ, אַל-תְּבַעֲתַנִּי.

לה  אֲדַבְּרָה, וְלֹא אִירָאֶנּוּ:    כִּי לֹא-כֵן אָנֹכִי, עִמָּדִי.

 

 

חזרה אל סיכום ספר איוב

עוד דברים מעניינים:

שינוי גודל גופנים
ניגודיות